Qytaidyń shyǵysynda Shandýn provintsiiasynyń túzeý mekemesinde 200 jazasyn óteýshi koronavirýs juqtyrǵan. Bul týraly juma kúni eldiń Gigiena jáne densaýlyq saqtar isteri jónindegi komitet basshysy Si Ian brifing barysynda málimdedi, dep habarlaidy "Ult aqparat".
Shandýn provintsiiasynyń túzeý mekemesinde virýstyń órshýi saldarynan koronavirýstyń jańa túrin juqtyrǵan 207 rastalǵan jaǵdai anyqtaldy. 207 aýrý juqtyrǵan adamnyń jeteýi – túrme qyzmetkerleri.
Jalpy alǵanda ótken táýlikte (20 aqpan saǵat 24:00-degi jaǵdai boiynsha) materiktik Qytaida koronavirýs juqtyrǵan 889 jańa jaǵdai anyqtaldy, 118 adam kóz jumsa, 2109 adam saýyǵyp, aýrýhanadan shyǵaryldy.
Sońǵy málimetter boiynsha QHR-da koronavirýs juqtyrýdyń rastalǵan jaǵdailarynyń jalpy sany - 75 465, 2236-sy — qaza tapsa, saýyǵyp, aýrýhanadan shyǵarylǵandary – 18 264 adam. Qazirgi ýaqytta 120 myńnan astam adam naýqastarmen tyǵyz bailanysta bolǵan, olar meditsinalyq baqylaýda.
Gonkongte aýrý juqtyrýdyń 68 rastalǵan jaǵdaiy tirkeldi, Makaoda (Aomen) – 10, Taivanda – 24.
Sońǵy derekter boiynsha, QHR Shyńjań-Uiǵyr avtonomiialyq ólkesinde (ShUAÓ) úshinshi kún qatarynan koronavirýs aýrýyn juqtyrýdyń jańa jaǵdailary anyqtalǵan joq. Jalpy, Ile-qazaq avtonomiialyq ólkesinde (IQAÓ) koronavirýs aýrýynyń 76 jaǵdaiy tirkelgen, onyń ishinde ShUAÓ-niń Ile-Qazaq avtonomiialyq ólkesinde - 18, Úrimshi qalasynda – 23. Qazirgi ýaqytta Shyńjańda 6 myńnan astam adam meditsinalyq baqylaýda.
