Qytai seisenbi kúni Ońtústik Qytaidaǵy Hainan araldyq provintsiiasyndaǵy Venchan áýe ailaǵynan Aidy zertteý úshin «Chane-5» zondy bar «Chanchjen-5» zymyranyn ushyrdy, dep habarlaidy QHR Memlekettik ǵarysh basqarmasy (MǴB).
Zondtyń mindeti – Aidyń betinen topyraq úlgisin jinap, Jerge jetkizý. «Chane-5» Ai zondy Jerge 2 keli topyraq úlgisin ákeledi dep josparlanyp otyr.
Esep boiynsha, ǵarysh apparaty Aidyń betine biyl jeltoqsannyń basynda qonady. Jalpy zondtyń ushý ýaqyty 20 kúnnen asady.
Salmaǵy 8,2 tonna «Chane-5» zondy orbitalyq, qonýshy, qaitýshy jáne ushý modýlderinen turady.
MǴB Ǵarysh injeneriiasy jáne Aidy zertteý ortalyǵynyń ókili Pei Chjaoiýidiń aitýynsha, «bul missiia ǵaryshkerlerdiń Aiǵa ushyp, ǵaryshty tereń meńgerip, synama alyp, Marstan, asteroidtan jáne basqa da aspan denelerine ushý úshin negizgi irgetas bolmaq».
«Chane-5» zondy modýlderin ai mańyndaǵy orbitada túiistirýge negizdelgen kúrdeli tehnologiialyq tásil Aidaǵy pilottyq missiialarǵa tehnologiialyq negiz bolýǵa múmkindik beredi», - dep atap ótti qytailyq sarapshy.
Eske sala ketsek, Aidy zertteýge arnalǵan Qytai baǵdarlamasy 2004 jyly iske qosyldy. Ol úsh kezeńnen turady: Aidy ainalyp ushý, onyń betine qoný jáne Jerge aidaǵy topyraq úlgisin jetkizý.
