Qytai Ilon Masktyń SpaceX kompaniiasyn "onyń spýtnikteri orbitadaǵy qytai ǵarysh stantsiiasyna qaýip tóndirdi" dep aiyptady.
BUU Bas hatshysyna joldanǵan notada Qytai biyl maýsym jáne qazan ailarynda bolǵan eki oqiǵany sipattaǵan. Sol kezde qytai ǵarysh stantsiiasy Starlink spýtnikterimen soqtyǵysyp qalmas úshin oryn aýystyrýǵa májbúr bolǵan. Qytai jaǵy bul spýtnikter stantsiiaǵa jaqyn mańda júiesiz qozǵaldy dep otyr.
1967 jylǵy ǵarysh týraly kelisimge sáikes, ǵaryshtaǵy memlekettik nemese jekemenshik kompaniialardyń áreketine aýmaǵynda ornalasqan memleket jaýapty. Pekin qujattaǵy osy tártipti alǵa tartty.
Qazir orbitada shamamen 1800 Starlink spýtnigi ushyp júr. Olar jiyrma shaqty elge jyldam internet taratady. AQSh biligi Ilon Mask kompaniiasyna 12 myń spýtnik ushyrýǵa ruqsat bergen. Milliarderdiń aitýynsha, SpaceX kompaniiasyna Jerdiń kez kelgen núktesine internet jetkizý úshin shamamen 30 myń spýtnik qajet.
Ázirge SpaceX kompaniiasy Qytai ýájine qatysty málimdeme taratpady.
