Qytai Halyq Respýblikasy Syrtqy ister ministrligi koronavirýs indetimen kúres úshin jetkizilgen Qazaqstannyń gýmanitarlyq kómegine alǵys bildirdi. Bul týraly búgin QHR SIM resmi ókili Hýa Chýnin málim etti, dep habarlaidy "Ult aqparat".
«2 aqpan kúngi jaǵdai boiynsha on bir el men UNICEF koronavirýstyń aldyn alý jáne onymen kúresý úshin qajetti meditsinalyq quraldar túrinde Qytaiǵa gýmanitarlyq kómek jiberdi. Olardyń qatarynda Ońtústik Koreia, Japoniia, Ulybritaniia, Frantsiia, Túrkiia, Pákistan, Qazaqstan, Majarstan, Iran, Belarýs jáne Úndistan bar», - dep málimdedi QHR SIM.
«Naǵyz dos qiynshylyqta tanylady. Olardyń barlyǵyna alǵysymyz sheksiz», - dedi qytailyq elshi.
Sondai-aq, ol Qytaidyń meditsinalyq betperde, qorǵanysh kostiým men kózildirikke muqtaj ekenin habarlady.
Eske sala keteiik, memleket basshysynyń tapsyrmasy boiynsha QHR-ǵa 13,6 tonna kóleminde meditsinalyq buiymdar túrinde gýmanitarlyq kómek jetkizilgen bolatyn.
