Búkilqytai halyq ókilderi quryltaiy (eldiń joǵary zań shyǵarýshy organy) 13-shaqyrylymy tórtinshi sessiiasynyń jabylý saltanatynda áleýmettik-ekonomikalyq damýdyń 14-shi besjyldyq josparyn (2021-2025 jj.) jáne 2035 jylǵa deiingi uzaq merzimdi josparlar qabyldady, dep habarlaidy QazAqparat.
Saltanatty sharaǵa qatysqan 2 896 adamnyń ishinnen 2 873 delegat 14-shi besjyldyq josparyn (2021-2025 jj.) jáne 2035 jylǵa deiingi uzaq merzimdi josparlardy qabyldaýdy maquldady. Usynylǵan besjyldyq josparǵa qarsy 11 adam daýys berdi, 12 adam daýys berýden bas tartty.
Bul qujatta QHR-dyń aldaǵy bes jylǵa áleýmettik-ekonomikalyq damýdyń negizgi baǵyttary men maqsatty kórsetkishteri jazylǵan. Endi Qytai 14-shi besjyldyq jospar kezinde JIÓ-niń josparly ósý kórsetkishin bir jyl buryn belgilep otyrady. 2021 jylda úkimet JIÓ-ni 6%-ǵa ósirýdi kózdep otyr.
2020 jyldyń qorytyndysyna sai QHR ekonomikasy 2,3%-ǵa ósti. Bul sońǵy 40 jyldaǵy eń tómen kórsetkish. Sonymen qatar Qytai ekonomikasynyń kólemi 100 trln iýannan (15 trln dollardan astam) asyp ketken.
Qytai biliginiń málimdeýinshe, 14-shi besjyldyqtyń sońyna qarai QHR joǵary tabys deńgeii bar elge ainalmaq. 2035 jylǵa qarai ulttyq ekonomika kólemi men jan basyna shaqqandaǵy JIÓ-ni eki esege ulǵaitpaq.
Eske sala keteiik, 4-11 naýryz aralyǵynda Búkilqytai halyq ókilderi quryltaiynyń 13 shaqyrylǵan 4-sessiiasy ótti.
