Qyrǵyzstan prezidenti Sadyr Japarov Qytai kompartiiasynyń tóraǵasy Si Tszinpinmen kezdesip, eki el arasyndaǵy saiasi jáne saýda-ekonomikalyq qarym-qatynas, investitsiia men birlesken jobalar týraly talqylaǵan. Bul jóninde Qyrǵyzstan prezidentiniń baspasóz qyzmeti habarlady, dep jazady Azattyq.
Eki el arasyndaǵy áýe qatynasynyń birtindep qaita qalpyna keltirý men kovidke qarsy sharalardy saqtai otyryp júk tasymalyn da ulǵaitý týraly sóz bolǵan. Qytai Qyrǵyzstanǵa koronavirýsqa qarsy bes million vaktsina men qaýipsizdik salasyna 50 million iýan (shamamen 7,8 million dollar) qaitarymsyz kómek beretin bolǵan.
Japarov Qytai-Qyrǵyzstan-Ózbekstan temirjol jobasyna qyzyǵýshylyq tanytyp, qyrǵyz-qytai shekarasy arqyly ótetin "jasyl dálizdiń" mańyzyn atap ótti.
Japarovtyń Qytaiǵa resmi sapary 3 aqpanda bastalǵan. Sapar aiasynda ol Olimpiada oiyndarynyń ashylýyna qatysyp, jergilikti basylymǵa suqbat bergen.
