Qytai koronavirýsqa qarsy murynǵa arnalǵan sprei túrindegi vaktsinany klinikalyq synaqtan ótkizedi, dep habarlaidy fj.chinanews.com saity.
Qytailyq BAQ-tyń habarlaýynsha, jaqynda Qytaidyń Ulttyq meditsinalyq ónimderdi basqarý mekemesi koronavirýstyń aldyn alý úshin murynǵa arnalǵan sprei túrindegi vaktsinany klinikalyq synaqtan ótkizý týraly ótinishin maquldady.
Vaktsinany Gonkong ýniversitetiniń zerthanasy, Siamen ýniversitetimen jáne Vantai biologiialyq farmatsevtikalyq（Beijing Wantai Biological Pharmacy）kompaniiasymen birlesip jasaǵan.
Qytailyq BAQ-tyń habarlaýynsha, bul vaktsina SARS-CoV-2 týyndatqan jańa koronavirýstyq pnevmoniianyń (COVID-19) aldyn alýǵa qoldanylady. Vaktsina murynǵa arnalǵan spreimen vaktsinatsiialanady. Teoriialyq turǵydan vaktsina organizmde jańa koronavirýsqa qarsy immýndyq qorǵanys týdyrady, sol arqyly jańa koronavirýstyń áserinen bolatyn pnevmoniianyń aldyn alady.
Habarlamalarǵa sáikes, aldynda janýarlarǵa jasalǵan tájiribeniń nátijeleri vaktsinanyń qaýipsizdigi men immýnogendiligi jaqsy ekenin kórsetti.
Qazirgi kezde ǵylymi-zertteý mekemesi klinikalyq zertteýlerdiń birinshi kezeńin bastady. Birinshi klinikalyq kezeńniń negizgi maqsaty - koronavirýstyq vaktsinanyń qaýipsizdigin baǵalaý jáne onyń immýnogendigin zertteý.
Vantai biologiialyq kompaniiasynyń osy vaktsinany jasaýǵa salǵan investitsiiasy qazirgi ýaqytta shamamen 5,25 million iýandy（330 million teńge）quraidy dep málimdedi. Vaktsina jasaýshylar klinikalyq zertteýler qansha ýaqytqa sozylatynyn aitpady.
