«Qazaqstan temir joly» otandyq eksporttaýshylarǵa Qytaiǵa baǵyttalǵan astyqty konteinermen jóneltýdi usynyp otyr, dep habarlaidy QazAqparat.
«Astyq eksportynyń basty baǵyty – Qytai. Bul qazir ol problemalyq baǵyt bolyp tur. Áńgimeni dál osy problemadan bastaǵym kelip otyr. Astyq vagondarǵa naýryz aiynda-aq tielip qoiǵan. Sonyń kóbi áli shekaradan óte almai tur. Pandemiiaǵa bailanysty Qytai taraby shekteýler qoiyp otyr. Biraq búkil jospardy eki jaq ta maquldaǵan bolatyn. Sol jospardyń ózimizge qatysty tusyn túgel oryndadyq. Ázirge Qytai tarabynyń shekteýleri jalǵasyp jatyr. 20 shildeden bastap barynsha jyldamdatyp qabyldai bastaýǵa ýede bergen bolatyn. Biraq ázirge Qytai jaǵynda, ásirese, «Dostyq» stansasynda ondai qabyldaý áli joq», - deidi «Qazaqstan temir joly» UK» AQ basqarma tóraǵasynyń orynbasary Oralhan Qulaqov.
Kompaniia ókili astyq eksporttaýshylarǵa tasyml tásilin ózgertýdi usynyp otyr. Burynǵy sýsymaly júk tieýge arnaǵal vagondardyń ornyna konteiner qoldaný tiimdi ekenin kórsetse kerek.
«Qazaqstan temir jol» ulttyq kompaniiasy osy baǵyttaǵy tasymaldy toqtatpaýdy usynyp otyr. Biraq burynǵy kólemdi, ámbebap, arnaiy vagondardan bas tartyp, konteinerdegi tasymalǵa kóshýdi oilastyryp otyrmyz. Qytai naryǵynda suranys joǵary. Bul másele úkimet deńgeiinde kóterildi. Úkimet basshysy osy másele boiynsha usynysymyzdy tyńdady. Open Top konteinerlerin shyǵarý boiynsha jol kartasy daiyndalyp jatyr. Bizde tasymaldyń mundai túri buryn bolmaǵan. Astyq tasymalyn mýltimodeldik tasymalǵa kóshirý arqyly infraqurylymdyq kedergilerdiń bárin joia alamyz. Qytai shekarasynda búginge deiin konteinerdegi tasymal bir kún de keshiktirilgen joq. Sondyqtan konteinerdegi tasymal Qytai baǵyty boiynsha óte ózekti», - degen akitsonerlik qoǵamnyńbasqama tóraǵasynyń orynbasary nege dál qazir osyndai talap týyndap otyrǵanyn túsindirdi.
«Sebep bireý ǵana. Qytaidan Eýropaǵa jiberilip jatqan konteinerlik tasymal kólemi artyp otyr. Ásirese Qytaidyń ishkeri aimaqtarynan, ońtústik-shyǵystaǵy porttanyna shyqqan júkterdiń bári qurlyq arqyly konteinerde tasymaldanyp jatyr. Konteiner tiegen vagondar qazir «Alashankoý» stansasy arqyly ótedi. Sýsymaly júkti dástúrli vagondarǵa tieý balansy qazir qatty buzylǵan. Pandemiia táýekelderine bailanysty Qytai naryǵynda konteinermen tasymaldanatyn júkke degen suranys joǵary.
Osyǵan bailanysty búkil eksporttaýshylarǵa júk jetkizý tásilin qaita qaraýdy usynamyn. Sýsymaly júk tasymaldaýshylarǵa óz usynysymyzdy aityp otyrmyz. Eksporttaýshylarǵa óz júgin ýaqytynda túsirý kezinde qiyndyqqa tap bolmaý úshin konteinerdegi tasymal tarifiniń sharttaryn qarap jatyrmyz», - dedi Oralhan Qulaqov.
