Qytailyq kompaniianyń Qazaqstandaǵy filialy Túrkistan qalasyndaǵy jańa nysandardyń qurylysyna 51 mlrd teńge investitsiia quiýǵa daiyn. Bul týraly oblys ákimdiginiń baspasóz qyzmetinen málim etti, dep habarlaidy "Ult aqparat".
Túrkistan oblysynyń ákimi Janseiit Túimebaev qytailyq «HENAN PROVINCE INSTALLATION GROUP CO.LTD» JShS-niń Qazaqstandaǵy filialy direktorynyń orynbasary Ma Shianjoýmen kezdesti. Basqosýda taraptar Túrkistan qalasynda boi kóteretin jańa ǵimarattar jaiyn talqylady. Qonaqtar oblys ortalyǵyndaǵy qurylys nysandarynyń qurylysyna 51 mlrd teńge kóleminde investitsiia quiyp, birlesken jobalardy júzege asyrýǵa daiyn ekenin jetkizdi.
Óz kezeginde aimaq basshysy ákimshilik iskerlik ortalyǵynan turǵyn keshenin salýdy usyndy. Sondai-aq, jobanyń josparly túrde iske asýyna memleket tarapynan barynsha qoldaý kórsetiletinin jetkizdi. Iaǵni, nysandardy salýǵa arnalǵan jer telimderin bólý jáne qujattaryn ázirlep, onda tartylatyn infraqurylym máseleleri tolyǵymen ákimdik tarapynan júzege asyrylatyn bolady.
Kezdesý sońynda taraptar tyǵyz kommertsiialyq qatynastardy damytýǵa, ekijaqty investitsiialar men tehnologiialar transfertiniń kólemin ulǵaitýǵa, sonyń ishinde Túrkistan oblysynda «Investitsiialyq jobalardy» júzege asyrýǵa negiz bolatyn memorandýmǵa qol qoidy.
