Aldaǵy aptada Qytai Qazaqstanmen aradaǵy shekarada ornalasqan ótkizý beketterin ýaqytsha jaýyp tastaidy, – dep habarlaidy Sputnik Qazaqstan.
Qytai halqynyń Jańa jyl meiramyn atap ótýine bailanysty kórshi el Qazaqstanmen shekarany ýaqytsha jabady.
"Qorǵas" shekara mańy yntymaqtastyǵy halyqaralyq ortalyǵynda Qytai tarapynan 22 qańtardan 2 aqpanǵa deiin shekara jabyq bolady. Qalǵan "Nur joly", "Qaljat" ótkizý pýnkteri 24 qańtar men 26 qańtar aralyǵynda, úsh kúnge jabylady", - dep málimdedi Sputnik Qazaqstanǵa ulttyq qaýipsizdik komiteti shekara qyzmetiniń baspasóz qyzmetinen.
Basqa ótkizý pýnkteri boiynsha Qytai tarapy áli aqparat bermegen.
Biyl Qytaidyń Jańa jyly 25 qańtarda atalyp ótedi.
Shyǵys kúntizbesi boiynsha Qytai jańa jylynyń naqty kúni joq, sondyqtan ár jylda ártúrli kúnderi toilanady. Qytailar Jańa jyldy aiǵa qarap biledi, iaǵni, jyldyń alǵashqy aiyndaǵy birinshi tolǵan ai túni Qytai halqynyń Jańa jyly bastalady. Bul eldegi jańa jyl on bes kúnge sozylady.
