الداعى اپتادا قىتاي قازاقستانمەن اراداعى شەكارادا ورنالاسقان ٶتكٸزۋ بەكەتتەرٸن ۋاقىتشا جاۋىپ تاستايدى, – دەپ حابارلايدى Sputnik قازاقستان.
قىتاي حالقىنىڭ جاڭا جىل مەيرامىن اتاپ ٶتۋٸنە بايلانىستى كٶرشٸ ەل قازاقستانمەن شەكارانى ۋاقىتشا جابادى.
"قورعاس" شەكارا ماڭى ىنتىماقتاستىعى حالىقارالىق ورتالىعىندا قىتاي تاراپىنان 22 قاڭتاردان 2 اقپانعا دەيٸن شەكارا جابىق بولادى. قالعان "نۇر جولى", "قالجات" ٶتكٸزۋ پۋنكتەرٸ 24 قاڭتار مەن 26 قاڭتار ارالىعىندا, ٷش كٷنگە جابىلادى", - دەپ مەلٸمدەدٸ Sputnik قازاقستانعا ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ باسپاسٶز قىزمەتٸنەن.
باسقا ٶتكٸزۋ پۋنكتەرٸ بويىنشا قىتاي تاراپى ەلٸ اقپارات بەرمەگەن.
بيىل قىتايدىڭ جاڭا جىلى 25 قاڭتاردا اتالىپ ٶتەدٸ.
شىعىس كٷنتٸزبەسٸ بويىنشا قىتاي جاڭا جىلىنىڭ ناقتى كٷنٸ جوق, سوندىقتان ەر جىلدا ەرتٷرلٸ كٷندەرٸ تويلانادى. قىتايلار جاڭا جىلدى ايعا قاراپ بٸلەدٸ, ياعني, جىلدىڭ العاشقى ايىنداعى بٸرٸنشٸ تولعان اي تٷنٸ قىتاي حالقىنىڭ جاڭا جىلى باستالادى. بۇل ەلدەگٸ جاڭا جىل ون بەس كٷنگە سوزىلادى.
