- Qytai investory Kentaý qalasynda ken baiytý zaýytyn salýǵa qarajat salmaq, dep habarlady Ult.kz tilshisi «QazAqparat» agenttigine silteme jasap.
Zaýyt qurylysyna 2 mln dollar baǵyttaý josparlanǵan, dep habarlady OQO Kásipkerler palatasynyń baspasóz qyzmetinen.
Úshjaqty kelisimge investor, Kentaý ákimdigi men óńirdiń Kásipkerler palatasy qol qoidy.
Zaýytta «Qazaqmys» jáne «Qazmyrysh» syndy ónerkásiptik alpaýyttar úshin sońǵy ónim - metallýrgiialyq salaǵa qajetti mys-altyn kontsentratyn shyǵara otyryp, ken baiytýdy jolǵa qoiý josparlanýda.
«OQO Kásipkeler palatasyna investorlardy tartý úshin járdem bergenine alǵys aitamyz. Bizdiń tarapymyzdan investitsiialyq jobany iske asyrý úshin barlyq jaǵdailar jasalady», - dedi Kentaý ákiminiń orynbasary Nurjan Táshimov.
Kásiporynda jylyna 65 myń tonna, táýligine daiyn ónim - mys-altyn kontsentratyn 200 tonnaǵa deiin shyǵarý josparlanýda. Kásiporyn iske qosylǵanda 100 adam jumysqa alynady. Memorandýmda eńbekke negizinen jergilikti turǵyndar tartylatyny kórsetilgen.
