Qytailyq ǵalymdar orbitalyq elektr stantsiia jasaýdy bastap ketti. Ol kún energiiasyn ǵaryshtan tikelei alyp, lazer arqyly jerge jiberedi.
Qytai baspasóziniń málimetinshe, Chýntsin aimaǵynda eksperimentaldy bazanyń qurylysy salynýda. Alǵashqy elektr stantsiiany stratosfera qabatynda 2021-2025 jyldary synaqtan ótkizbekshi. Jobany «Chane-4» apparatyn aiǵa sátti qondyrǵan Kosmostyq tehnologiia akademiiasy basqarady. Ol 2022 jyly óziniń kosmostyq stantsiiasyn salýdy josparlap otyr.
Qytai kosmostyq programmasyna osy jyly biýdjetten 8 mlrd dollar bólingen. Sondai-aq ǵaryshty igerý men zertteýge aýqymdy qarjy bólgen elderdiń qatarynda AQSh tur.
Qytai kosmostyq elektr stantsiiasy týraly «Science and Technology Daily» gazeti jazdy. Stantsiianyń taǵy bir artyqshylyǵy – energiiany aýa raiyna, jyl mezgiline, ýaqytqa táýelsiz túrde táýlik boiy beredi. Kosmostyq tehnologiia akademiiasynyń qyzmetkeri Pana Chjihao bul stantsiianyń adamzat úshin sarqylmas energiia kózi bolatynyn aitty.
Alaida, bul úshin birneshe tehnikalyq tapsyrmalardy oryndaý qajet. Mysaly, kosmostyq elektr stantsiianyń salmaǵy shamamen 1000 tonna. Bul Halyqaralyq kosmostyq stantsiiadan 2,5 ese úlken. Jer betinen mundai úlken stantsiiany ushyrý kóp kúsh qajet etedi. Sondyqtan ǵalymdar ony ǵaryshtyń ózinde aqyldy robottar arqyly salmaq. Taǵy tolyq sheshilmegen suraq: jinalǵan elektr energiiasyn jerge qalai jetkizý kerek? Teoriialyq turǵydan lazerlik sáýle men mikrotolqyn eń utymdy jol. Biraq, áýeli olardyń qandai jaǵdaida kúshti ári ekologiiaǵa ziiansyz túrde áser etetinin anyqtaý qajet.
Ótken jyly Kaliforniia tehnologiia institýtynyń ǵalymdary analogiialyq apparattyń prototipin jasap shyqqan bolatyn. Ol kún sáýlesin ashyq kosmostan alyp, jer betine jiberedi. Buǵan qatysty zertteýler Eýropa, Úndistan, Japoniiada da jalǵasyn tabýda.
Shynádil Saltanat
