Qytaidyń Ońtústik tehnologiialyq ýniversitetiniń prezidenti jáne Qytai ǵylym akademiiasynyń múshesi Siýe Tsikýn Jerdegi qazyp alynatyn energetikalyq resýrstar 50 jyldan keiin taýsylatynyn málimdedi. Bul týraly The Paper basylymynyń maqalasynda aitylǵan, dep habarlady Sputnik "Parlamentskaia gazeta" basylymyna silteme jasap.
Ǵalymnyń aitýynsha, sońǵy 250 jylda álemde qazyp alynatyn energiia kózderi óndirisiniń ulǵaiýyna bailanysty úsh ónerkásiptik revoliýtsiia boldy.
Ǵalym álemdik ekonomikanyń qazirgi damý qarqyny saqtalǵan jaǵdaida aldaǵy jarty ǵasyrda kómirsýtegi resýrstary sarqylady dep boljady.
Sondyqtan ilgerileýdiń qazirgi deńgeiin saqtap qalý úshin ol úirenshikti qazba energiia tasymaldaýshylaryn balamaly energiia kózderimen almastyrýǵa shaqyryp otyr.
Atap aitqanda, Siýe Tsikýn eshqashan taýsylmaityn kún energiiasy týraly sóz qozǵady. Dál osy jańartylatyn energiia kózi adamzattyń odan ári damýyna negiz bola alady.
Sonymen qatar ol kómir men tabiǵi gazdy sýtegi otynymen almastyrý múmkindigin qarastyrýdy usynady. Bul salada sýtekti sýdan alý protsesterine kúndi paidalaný arqyly ózin-ózi qamtamasyz etýge bolady.
Qytai ǵalymy álem zertteýshileri men mamandary aldaǵy 30-50 jyl ishinde balamaly energetikaǵa kóshý máselesin birlesip sheshedi dep úmittenedi.
