Foto: old.vecher.kz
1 tamyzdan bastap Qytai BUU Qaýipsizdik Keńesiniń kezekti tóraǵasy boldy, dep habarlaidy QazAqparat Sinhýaǵa silteme jasap.
Qytai Halyq Respýblikasynyń BUU janyndaǵy Turaqty ókili Chjan Tsziýnniń tóraǵalyǵymen BUU Qaýipsizdik Keńesiniń ishki konsýltatsiialary ótti, onda organnyń tamyz aiyndaǵy jumys jospary bekitildi. Josparǵa sáikes, tamyz aiynda BUU Qaýipsizdik Keńesi birqatar máselelerdi, sonyń ishinde Iemen, Siriia, Liviia, Taiaý Shyǵys, Palestina jáne terrorizmmen kúres máselelerin qarastyrady.
Qytai tarapynyń bastamasy boiynsha Qaýipsizdik Keńesi «Jalpy qaýipsizdikti qoldaý» jáne «Afrika elderiniń áleýetin arttyrý» taqyryptary boiynsha eki arnaiy otyrys ótkizedi. Turaqty ókildiń aitýynsha, Qytai BUU-nyń damý salasyndaǵy kún tártibin ilgeriletýde.
Chjan Tsziýn Qytaidyń BUU aldyndaǵy qarjylyq mindettemelerin árdaiym belsendi oryndaǵanyn rastady. QHR — BUU turaqty jáne bitimgershilik operatsiialar biýdjetine tólengen jarnalar kólemi boiynsha ekinshi memleket.
