Aidyń arǵy betine qonǵan Qytaidyń «Chane-4» zondy Ai betinde alǵash ret biologiialyq tájiribe jasady, dep habarlaidy Sinhýa aqparat agenttigi.
Ai betinde biologiialyq synaq júrgizý úshin maqta, raps, kartop, aqsheshek, ashytqy tuqymy jáne jemis shybynynyń jumyrtqasy úlgi retinde tańdap alyny. Agenttik jariialaǵan sýretterden Ai betinde ósimdik tuqymdary kóktep jatqanyn kórýge bolady. Sońǵy jiberilgen sýretterden baiqaitynymyz, kúshti sáýle men temperatýra aiyrmashylyǵyna qaramastan maqta óskini jaqsy ósip keledi. Bul Ai betinde ósip shyqqan alǵashqy ósimdik tuqymy.
Ǵalymdar biologiialyq úlgilerdiń jai-kúiin baqylaýdy jalǵastyrýda. Sinhýa agenttigi «bul Aidyń betindegi alǵashqy biologiialyq tájiribe» dep atap ótti. Aita ketsek, jeltoqsan aiynda Qytai «Chane-4» zondyn ushyryp, 3 qańtarda ol Ai betine sátti qondy. Qytai 2030 jylǵa deiin osy salada Resei men AQSh-ty ozyp, álemniń negizgi ǵarysh derjavasyna ainalýdy maqsat etip otyr.
