Qytai biligi úsh atom elektr satntsiiasynda alty jańa atom reaktorynyń qurylysyn maquldady. Bul týraly Qytai iadrolyq energetika qaýymdastyǵynyń (CNEA) málimdemesinde aitylǵan, dep habarlaidy «QazAqparat» HAA.
Qaýymdastyqtyń málimetinshe, jańa energobloktar Shyǵys Qytaidyń Chjetszian provintsiiasyndaǵy «Sanmen» AES-inde, «Haiian» AES-inde (Shandýn, Shyǵys Qytai) jáne «Liýfen» AES-inde (Gýandýn, Ońtústik Qytai) iske qosylady.
Salalyq basylymdardyń jazýynsha, «Sanmen» jáne «Haiian» AES-tarynyń ekinshi kezeginde SAR-1000 atom reaktorlaryn, al «Liýfen» AES jańa alańynda «Hualong – 1» reaktorlaryn ornatady.
Ekinshi kezektegi eki jańa energoblokty iske qosqannan keiin «Haiian» AES-i jyldyq elektr energiiasyn óndirý qýaty 20 mlrd kVt*saǵatty quraityn bolady. Bul 2 millionǵa jýyq adamnyń elektr energiiasyna degen jyldyq suranysyn qanaǵattandyrýǵa, kómirdi tutynýdy jylyna 8,55 mln tonnaǵa azaitýǵa, sondai-aq kómirtegi qostotyǵy, kúkirt qostotyǵy men azot totyǵy shyǵaryndylaryn tiisinshe 16 mln tonnaǵa, 52 myń tonna jáne 45 myń tonnaǵa azaitýǵa múmkindik beredi.
Salalyq sarapshylardyń baǵalaýyna sáikes, III býyndy bir atom reaktorynyń quny 20 mlrd iýandy (3,1 mlrd AQSh dollary) quraidy. Úsh AES-te alty energiia blogyn iske qosýǵa arnalǵan investitsiialardyń jalpy kólemi shamamen 120 mlrd iýanǵa (18,6 mlrd AQSh dollary) jetedi.
Álemdegi ekinshi iri iadrolyq energiia óndirýshisi Qytai óziniń klimattyq maqsattaryna jetý úshin iadrolyq energiiaǵa investitsiia salýdy jalǵastyrýda.
