Reseide ótken XXIX qysqy Ýniversiada oiyndarynda qazaqstandyq stýdentter barlyǵy 7 medal jeńip aldy. Bul týraly QR Bilim jáne ǵylym ministrliginiń baspasóz qyzmetinen málim etti, dep habarlaidy "Ult aqparat".
Bairaqty doda Krasnoiarsk qalasynda 2-12 naýryz aralyǵynda ótti. El namysyn barlyǵy 95 sportshy (5 mənerlep syrǵanaýshy, 13 shańǵyshy, sporttyq baǵdarlaý men short-trekten - 10, taý shańǵyshysynan 2 sportshy jáne t.b.) qorǵady.
On kúndik jarystyń nátijesinde Qazaqstan qorjynyna 4 kúmis, 3 qola medal tústi.
«Saiysqa elimizdiń joǵary oqý oryndarynyń 17-25 jas aralyǵyndaǵy stýdentteri men akademiialyq dárejesi bar túlekteri qatysty. Júldeli oryndar ielengen jas sportshylarǵa Qazaqstan Respýblikasy Bilim jáne ǵylym ministri Kúlásh Shamshidinova quttyqtaý hat joldap, laiyqty jeńisterimen quttyqtady», - delingen ministrlik aqparatynda.
2019 jylǵy qysqy Ýniversiadada medal ielengen sportshylar: Janbota Aldabergenova (fristail-akrobatika, 3-oryn, ál Farabi atyndaǵy QazUÝ), Áset Dúisenov (shańǵy jarysy, 2-oryn, Qazaq sport jáne týrizm akademiiasy), Han Iana, Volkovitskaia Aliona (short-trek, 3-oryn, Qazaq sport jáne týrizm akademiiasy), Ámirǵalieva Áliia, Baqytgereeva Qadisha (short-trek, 3-oryn, Qostanai memlekettik pedagogikalyq ýniversiteti), Nikisha Denis, Qajǵali Nurtilek (short-trek, 3-oryn, Qazaq sport jáne týrizm akademiiasy), Jaqsybaev Mersaid, Shamýhanov Erkebulan (short-trek, 3-oryn, Qostanai memlekettik pedagogikalyq ýniversiteti), Gridin Nikita, Klimin Oljas (shańǵy, 2-oryn, A.Myrzahmetov atyndaǵy Kókshetaý ýniversiteti), Áset Dúisenov, Liýft Ivan (2-oryn, shańǵy jarysy, Qazaq sport jáne týrizm akademiiasy), Tursynbaeva Elizabet (2-oryn, mənerlep syrǵanaý, Qazaq sport jáne týrizm akademiiasy).
