Ústimizdegi jyldyń 18-20 qańtar kúnderi ótken alǵashqy ulttyq biryńǵai testileýdiń qorytyndysy shyqty, dep habarlaidy "Ult aqparat".
Alǵashqy bilim synaǵyna elimiz boiynsha 34 687 talapker qatysty. Onyń 9-y múmkindigi shekteýli jan. Qatysýshylardyń sanatyna kelsek, 29 789 - 11 (12) synyp oqýshylary, 3 268 - shartty túrde túskender, 2 781 - shyǵarmashylyq mamandyqtan basqa mamandyqqa aýysýshy.
Testileý synaǵyna 35 838 talapkerden ótinish túsip, onyń 25 615 qazaq tilinde, 10 162 orys tilinde jáne 61 aǵylshyn tilinde tapsyrdy.
Qysqy UTB nátijesinde 24 012 (69%) túlek belgilengen shekti deńgeiden ótti, al 10 675 (31%) tiisti 50 baldy jinai almady.
«Qańtar, naýryz jáne tamyz ailarynda ótkizilgen UBT-ǵa qatysý mektep bitirýshi túlektiń JOO-na tek aqyly túrde túsýige múmkindik beredi. Eger mektep bitirýshi túlek memlekettik bilim grantyna ie bolǵysy kelse, mindetti túrde maýsym aiynda ótetin UBT-ty tapsyrý kerek. Taǵy bir aita keterligi qańtar, naýryz, tamyz ailarynda tapsyratyn testileý synaǵy úshin memlekettik biýdjetten eshqandai qarjy jumsalmaidy», - dedi Ulttyq testileý ortalyǵynyń direktory Ramazan Álimqulov OKQ-de ótken baspasóz máslihatynda.
Sonymen qatar, R.Álimqulov UBT tapsyrýda talapkerge jyldaǵydai jaǵdai jasalatynyn aitty.
«Túlekterge sertifikatpen birge qandai mamandyqtarǵa qansha grant bólinetini týraly aqparat, erekshi kútimdi talap etetin jandarǵa kómekshi men sýrdoaýdarma qarastyrylady. Sol siiaqty, onlain transliiatsiialaý, uialy bailanys dybysyna shek qoiatyn qurylǵy ornatylady, sonymen qatar call-ortalyq jumys isteidi», - dedi ol.
Eske salsaq, biylǵy UBT tapsyrý erejelerine birqatar ózgerister engizilgenin, onyń ishinde UBT jylyna 4 ret (qańtar, naýryz, maýsym-shilde, tamyz) tapsyrylatynyn habarlaǵan bolatynbyz.
