Memlekettik hatshysy Qyrymbek Kósherbaev Memlekettik rámizder jónindegi respýblikalyq komissiianyń otyrysyn ótkizdi, dep habarlaidy Aqorda.
Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldikasy máseleleri jónindegi respýblikalyq komissiianyń onlain júiesindegi otyrysy ótti.
Otyrysty ashqan Qyrymbek Kósherbaev memlekettik rámizder bizdiń Táýelsizdigimizdiń basty qundylyǵy bolyp tabylatynyn jáne úsh onjyldyq boiy Qazaqstan halqynyń birligin, tutastyǵyn jáne azamattyq biregeiligin beineleitinin atap ótti.
Memlekettik hatshy sondai-aq, Prezident tapsyrmasyna sáikes memlekettik rámizderdi paidalanýdy keńeitýdi kózdeitin zańnama men normativtik aktilerge tiisti ózgerister men tolyqtyrýlar ázirlengenin aitty.
Otyrysta Mádeniet jáne sport ministri A.Raiymqulovanyń Memlekettik rámizder salasyndaǵy zańnamaǵa ózgerister men tolyqtyrýlar engizý, geraldikalyq zertteýler ortalyǵynyń qyzmeti týraly, sondai-aq Indýstriia jáne infraqurylymdyq damý ministri B. Atamqulov pen Aqmola oblysynyń ákimi E. Marjyqpaevtyń memlekettik rámizderdi nasihattaý jáne paidalaný boiynsha júrgizilip jatqan jumystary jónindegi baiandamalary tyńdaldy.
Otyrys qorytyndysy boiynsha Qyrymbek Kósherbaev memlekettik rámizder men geraldika salasy boiynsha, atap aitqanda, osy baǵyttaǵy quqyq buzýshylyqtardyń aldyn alýdy kúsheitý, vedomstvolyq nagradalardy ońtailandyrý jónindegi jumysty jalǵastyrý, memlekettik rámizderdi nasihattaý jáne jastarǵa patriottyq tárbie berýde qoǵamdyq uiymdardyń áleýetin keńinen paidalaný týraly birqatar naqty tapsyrmalar berdi. Nur-Sultan, Almaty, Shymkent qalalarynyń jáne oblystardyń ákimderine óńirlerde memlekettik rámizderdi nasihattaý ortalyqtarynyń tiimdi qyzmetin qamtamasyz etý, shalǵai aýyldyq okrýgterdegi osy jumysqa erekshe nazar aýdarý tapsyryldy.
