Qazaqstan Respýblikasynyń Memlekettik hatshysy Qyrymbek Kósherbaev memlekettik nagradalar tapsyrdy, dep habarlaidy Aqorda.
Búgin Aqordada Qazaqstan Respýblikasynyń Memlekettik hatshysy Qyrymbek Kósherbaev Qazaqstan Respýblikasynyń Prezidenti Qasym-Jomart Toqaevtyń tapsyrmasy boiynsha bir top belgili mádeniet, ǵylym, bilim, densaýlyq saqtaý salalarynyń qairatkerlerine, óndiristik sala ókilderine Qazaqstan Respýblikasynyń memlekettik nagradalaryn, sondai-aq ál-Farabi atyndaǵy ǵylym men tehnika salasyndaǵy memlekettik syilyq laýreattaryna diplomdar men tós belgilerdi saltanatty jaǵdaida tapsyrdy.
Táýelsizdik kúni qarsańynda Memleket basshysy Qazaqstannyń damýy men órkendeýine erekshe úles qosqan qazaqstandyqtardy memlekettik nagradalarmen jáne syilyqtarmen marapattaýy igilikti dástúrge ainalǵan.
«Memlekettik nagradalar men syilyqtar - bul sizderdiń elimizdi álemdegi dáýletti, parasatty ári básekege qabiletti memleketke ainaldyrýdaǵy jasampaz eńbekterińizge, bilimderińizge, qajyr qairattaryńyzǵa jáne airyqsha qulshynystaryńyzǵa berilgen joǵary baǵa» - dedi Qyrymbek Kósherbaev.
Memlekettik hatshy marapat ielerin joǵary memlekettik nagradalarymen jáne syilyqtarymen quttyqtap, jańa tabystar men jetistikter tiledi.
