Biylǵy oqý jylynda JOO professorlyq-oqytýshylyq quramnyń eńbekaqysy 20-30 paiyzǵa artady, dep habarlaidy QazAqparat.
Tiisti tapsyrmany QR Bilim jáne ǵylym ministri Ashat Aimaǵambetov 1 qyrkúiekten bastap júzege asyrýdy tapsyrdy.
«Ulttyq senim keńesiniń otyrysynda Memleket basshysy JOO oqytýshylarynyń jalaqysyn kóterý boiynsha tapsyrma bergen bolatyn. Jalpy ministrlikke qarasty JOO oqytýshylarynyń jalaqysyn kóterýimiz kerek. Bul máseleni sizdermen talqylaǵan bolatynbyz. Bul jai kótergen másele emes. Sizderdiń biýdjetterińiz boiynsha tiisti mamandar taldaý jumystary júrgizildi, sonyń nátijesinde osyndai múmkindik bar ekenin kórip otyrmyz. Sondyqtan, osy máseleni 1 qyrkúiekten júzege asyrýdy tapsyramyn», - dedi ministr vedomstvo apparatynyń onlain jinalysynda.
Sonymen birge ministr JOO-daǵy grant qunyn ósirý týraly Úkimet qaýlysy qabyldanǵanyn, bul sharanyń oqytýshylardyń jalaqysyn ósirýge, materialdyq-tehnikalyq bazany nyǵaitýǵa múmkindik beretinin atap ótti.
«Ótken jyly – 2019-2020 oqý jylynda barlyq oqý oryndary jalaqyny orta eseppen 20 paiyzǵa kótergen bolatyn. Al 2020-2021 oqý jylynda oqytýshylar jalaqysyn shamamen 21-32 paiyzǵa deiin kóterý kútilýde. Bul baǵyt boiynsha barlyq JOO jumys istep jatyr», - dedi QR BǴM joǵary jáne joǵary oqý ornynan keiingi bilim departamentiniń direktory Ádilet Toibaev.
