Qyrkúiekte Ulttyq qordyń avtivteri 1,9 mlrd dollarǵa kemidi. Bul týraly Úkimet otyrysynda QR Ulttyq bankiniń tóraǵasy Erbolat Dosaev aitty, dep habarlaidy QazAqparat.
«Ulttyq qordyń aktivteri bir aida 1,9 mlrd AQSh dollarǵa tómendep, qyrkúiektiń sońynda jalpy mólsheri 55 mlrd AQSh dollary boldy.
Qyrkúiekte 392 mlrd teńgege nysanaly jáne kepildendirilgen transfertter bólýdi qamtamasyz etý úshin 913 mln AQSh dollary satyldy.
Qyrkúiekte Ulttyq qorǵa túsken túsimder – 135 mlrd teńge. Onyń ishinde shetel valiýtasynda 259 mln dollar nemese 110 mlrd teńge boldy», - degen Erbolat Dosaev, Ulttyq qordyń investitsiialyq kirisi de azaiǵanyn atady.
«Qyrkúiekte Ulttyq qordyń investitsiialyq kirisi teris qalyptasyp, aktivterdiń barlyq synyptary boiynsha túzetýge bailanysty 1,2 mlrd dollarǵa nemese 2,11% kemidi.
Aktivterdiń barlyq synyptary boiynsha baǵalardyń bir mezgilde tómendeýi qysqa merzimdi sipatqa ie. 11 qazandaǵy jaǵdai boiynsha Ulttyq qordyń investitsiialyq kirisi ishinara qalpyna keldi jáne aidyń basynan bastap 250 mln AQSh dollaryn qurady. Uzaq merzimdi perspektivada Ulttyq qordyń strategiialyq allokatsiiasy táýekelderdi teńgeredi», - dedi ol Úkimet otyrysynda.
