QR Úkimetinde ótken baspasóz konferentsiiasynda QR ádilet ministri Marat Beketaev jańa maýsymda QR Parlamentine usynylýy josparlanǵan zań jobalarynyń portfeli týraly aityp berdi.
M. Beketaev jeltoqsan aiynda qabyldanatyn Zań jobalary jumysynyń jospary bar ekenin atap ótti. Osy Josparǵa sáikes birqatar zań jobalary Qazaqstan Respýblikasy Parlamenti Májilisine jiberiledi dep kútilýde.
«2019 jyldyń qańtar-qyrkúiek ailarynda 19 zań jobasyn QR Parlamentine engizý josparlanǵan bolatyn. Búginde 9-y engizildi. Bir zań jobasyn engizbeý týraly sheshim qabyldandy. Sebebi ony retteý aiasy jetkilikti túrde aýqymdy emes. Bul máseleni (asyl tuqymdy mal sharýashylyǵy máselesi) neǵurlym naqty zerdeleý kezinde Aýyl sharýashylyǵy ministrligi bul zań jobasyn engizýden bas tartýǵa sheshim qabyldady jáne ony belgili bir merzimge keiinge qaldyrdy. Qalǵan 9 zań jobasynyń úsheýi tamyz aiynyń sońyna deiin Parlamentke joldanady. Altaýy qyrkúiek aiynda jiberiledi», — dep túsindirdi ministr.
Sonymen birge, M. Beketaev jańa saiasi maýsymda jańa zań jobalaryn qabyldaý qajettiligi týyndaitynyn aitty.
«Memleket basshysynyń ár joldaýynan keiin ony iske asyrý jónindegi is-sharalar jospary qurylatynyn bilesizder. Sessiianyń ashylýynda Memleket basshysynyń Joldaýy jariialanady dep josparlanǵan. Zań jobalarynyń qosymsha tizimi de jasalady dep boljaýǵa bolady. Bul tizimdegi merzimder qatalyraq ári qysqaraq bolýy múmkin», — dedi M. Beketaev.
Sonymen qatar, ádilet ministri zań normalaryn shyǵarý qyzmetin jetildirý máseleleri boiynsha zańnamalyq túzetýler paketiniń qabyldanýymen jańa zańdardy qabyldaý merzimderin buzǵany úshin jaýapkershilik kúsheitiletinin atap ótti.
«Úkimet reglamentine biz usynyp jatqan ózgerister jaýapkershilikti kúsheitýdi kózdeidi. Eger qazirgi ýaqytta bul vitse-ministrler bolsa, bizdiń usynysymyz boiynsha ministrge úlken jaýapkershilik júktelýi kerek. Eger qazir merzimdi bir ret jazasyz qaldyrýǵa bolatyn bolsa, ekinshi kóshirý vitse-ministrge shara qabyldaýdy qamtysa, biyl bul máseleni kúsheitý josparlanýda. Bul zań jobasy Parlamentke usynylady, qandai da bir ýaqytta qabyldanady, biraq biz memlekettik organdar bul tetikterdi qandai-da bir deńgeide qazir, zańnyń qabyldanýyn kútpei-aq, qoldanǵanyn qalaimyz», — dedi ministr.
Nekeni jedel tirkeý týraly jýrnalisterdiń suraǵyna jaýap bergen M. Beketaev nekege turýǵa ótinish bergennen keiin bir ai kútý eń ońtailysy ekenin atap ótti.
«Jeke pikirimmen bóliser bolsam, áreket etip turǵan zańnama ońtaily retteýdi qarastyrady, jáne ol jetkiliksiz bolýy múmkin, óitkeni ajyrasý faktileri óte kóp. Qazir “Keiinirek kelińiz” dep aitý da durys shyǵar, jastar emotsionaldy kúiden ótip, biraz ýaqyttan keiin, bárin durys oilanyp, ata-analarymen aqyldasyp baryp, qarym-qatynastaryn tirkegeni durys shyǵar», — dep basa aitty Marat Beketaev.
Qorytyndylai kele, ádilet ministri zańdardyń jii ózgerýi qazirgi qoǵam úshin qalypty úrdis ekenin túsindirdi.
«Zańdardyń qabyldanyp, olarǵa 10-20 jyl ishinde eshqandai ózgertýler engizilmeitin ýaqyttardy eske alý, bul durys túsinik emes. Sebebi zańdardyń jii ózgerý jaǵdaiy Qazaqstanǵa ǵana tán emes. Bul qazir búkil álemde ǵylymnyń, tehnologiialardyń jedel damýyna bailanysty bolyp otyrǵan jaǵdai», — dedi M. Beketaev.
Onyń aitýynsha, múldem jańa qatynastar týyndaýda. Buǵan deiin internet bolǵan joq, tehnologiialar sonshalyqty jii ózgermeitin. Mysaly, kibervaliýta paida boldy. Bul — jańa qoǵamdyq qubylystar, retteýdi qajet etetin quqyqtyq qatynastar jáne bul zańdarǵa ózgerister engizýdi talap etedi.
«Eger biz zańdardaǵy ózgeristerge ilesip otyrmasaq, biz investorlardy tartý boiynsha, biznesti ishki retteýde basqa iýrisdiktsiialarmen básekege túse almaimyz, onda bizdiń kompaniialarymyz jańa jaǵdailarǵa tez beiimdeletin elder siiaqty básekege qabiletti bolmaidy. Sondyqtan ómirdegi ózgeristerge ilesip, zańnamany beiimdeý óte mańyzdy», — dedi ministr.
