Osy aidyń ishinde QR Bilim jáne ǵylym ministrligine qarasty Biologiialyq qaýipsizdik máseleleri ǵylymi-zertteý institýty ǵalymdary ázirlegen vaktsina 244 eriktige salynady, dep habarlaidy "Ult aqparat".
«2020 jyldyń qyrkúieginde 244 eriktige vaktsinany klinikalyq synaý bastalady. Onyń ishinde 44-i vaktsinany klinikalyq synaqtyń birinshi fazasynda, al qalǵandary ekinshi fazasynda alady» delingen atalǵan institýttyń Facebook paraqshasynda jariialanǵan aqparatta.
Esterińizge sala ketsek, Dúniejúzilik densaýlyq saqtaý uiymy (DSU) QR BǴM Biologiialyq qaýipsizdik máseleleri ǵylymi-zertteý institýty jasap shyǵarǵan ekpeni resmi túrde klinikalyq synaqtarǵa jiberilgen vaktsinalar tizimine qosty.
Dúniejúzilik densaýlyq saqtaý uiymynyń klinikalyq synaqqa jiberilgen vaktsinalar tizimine Ulybritaniia, Qytai, Resei, AQSh, Germaniia, Japoniia, Úndistan, Ońtústik Koreia, Belgiia, Shvetsiia, Singapýr, Italiia, Aýstraliia, Taivan, Kýba, Frantsiia, Aýstriia jáne Kanada sekildi elderdiń kompaniialary nemese zertteý institýttary jasap shyǵarǵan 33 vaktsina kirgen.
