Qazaqstanda ótken aida turǵyn úi baǵasy taǵy artty, dep habarlaidy QazAqparat Strategiialyq josparlaý jáne reformalar agenttigi Ulttyq statistika biýrosyna silteme jasap.
2021 jylǵy qyrkúiekte onyń aldyńǵy tamyz aiymen salystyrǵanda:
- abattandyrylǵan turǵyn úilerdi alyp-satý – 1%;
- jańa turǵyn úilerdi satý – 0,7%;
- abattandyrylǵan turǵyn úidi jalǵa alý baǵasy 2,5% qymbattady.
Statistikalyq aqparatqa sáikes, 2020 jyldyń jeltoqsany – 2021 jyldyń qyrkúiegi aralyǵynda jańa baspana baǵasy – 11,7%, abattandyrylǵan úiler – 18,2%, páterdi jalǵa alý 14,1% ósti.
Buǵan deiin Ulttyq statistika biýrosy ótken qyrkúiek aiynda elimizde baspanany satý-satyp alýǵa qatysty 50 364 kelisim jasalǵanyn habarlaǵan bolatyn. Bul, onyń aldyńǵy tamyz aiyna qaraǵanda 8,4% kóp.
Jalpy, 2021 jylǵy qańtar-qyrkúiekte turǵyn úidi satyp alý-satý mámileleriniń sany ótken jylǵy tiisti kezeńmen salystyrǵanda 97,4% artqan.
