Qyrǵyzstannyń Toqtaǵul sý qoimasynyń shyǵyny 14 qyrkúiektegi esep boiynsha, sekýndyna 137 tekshemetrdi quraidy. Bul byltyrǵy jylmen salystyrǵanda eki esege az.
Bul málimetti "Elektr stantsiialary" ashyq aktsionerlik qoǵamy jariialady. Ádette qoimada sý az bolǵan kezde, sý shyǵynyn qysqartady. Búgingi kúni sý qoimasynda 12,1 mlrd tekshemetr sý bar. Qalypty jaǵdaida, qystan qinalmai ótý úshin 16-17 mlrd tekshemetr sý bolýy kerek.
Osynyń aldynda "Ulttyq energiia holdingi" basqarma basshysy Talaibek Baiǵaziev 2022 jylǵa qarai sý deńgeii 6 mlrd tekshemetrge deiin túsip ketýi múmkin dep eskertken. "Bul - óli deńgei. Qyrǵyzstannyń negizgi energiia kózi Toqtaǵul GES jumys isteýden qalady" degen.
Qyrǵyzstan jyl saiyn saǵatyna 15 mlrd kVt elektr energiiasyn jumsaidy. Sýdy únemdeý úshin Qyrǵyzstan úkimeti Qazaqstan jáne Ózbekstanmen elektr energiia almasý jóninde kelisimge kelgen.
Kelisimge sáikes, Qazaqstan 2021 jyldyń naýryz aiynan qarasha aiyna deiin Qyrǵyzstanǵa saǵatyna 900 mln kVt, al Ózbekstan biyl naýryzdan 2022 jyldyń sáýir aiyna deiin saǵatyna 750 mln kVt energiia beredi.
Budan bólek Qyrǵyzstan Túrkimenstannan elektr energiiasyn ala bastady.
