Қазақстан Тәуелсіздігіне 25 жыл

Qyrǵyzstannyń birqatar óńirinde koronavirýsqa bailanysty tótenshe jaǵdai engizildi

Qyrǵyzstannyń birqatar óńirinde koronavirýsqa bailanysty tótenshe jaǵdai engizildi

Qyrǵyzstan prezidenti Sooronbai Jeenbekov búgin, 24 naýryzda Jogorký Kenesh tóraǵasy Dastanbek Djýmabekovpen, eldiń premer-ministri Mýhammedkaly Abylgazievpen jáne Joǵarǵy sot tóraǵasy Gýlbara Kalievamen kezdesti, dep habarlaidy Kabar agenttigi.

Memleket basshysy álemdegi qiyn jaǵdaidy, sondai-aq elde koronavirýs infektsiiasy qarqyny artyp kele jatqanyn atap ótti. 

Osyǵan bailanysty prezident Bishkek, Osh jáne Jalal-Abad, Osh oblysynyń Kara-Sýi, Nookat aýdandarynda, Djalal-Abad oblysynyń Sozaq aýdanynda tótenshe jaǵdai engizý týraly sheshim qabyldaǵanyn aitty. 

Prezident tiisti Jarlyqqa qol qoiylyp, Jogarký Keneshke jiberilgenin málim etti. 

Tótenshe jaǵdai 25 naýryz saǵat 08.00-den bastap 2020 jyldyń 15 sáýiri saǵat 08.00-ge deiin engiziledi. Atalǵan qalalar men aýdandardyń aýmaǵynda komendatýra quryldy. 

Jeenbekov osy aýdandardaǵy sanitarlyq-karantindik beketterden ótý kezinde azyq-túlik jáne basqa da taýar tasityn júk kólikterine basa nazar aýdarýdy tapsyrdy.