Foto: kabar.kg
Qyrǵyzstannan Qazaqstanǵa taǵy 11 tonna qant eksporttamaq bolǵan. Bul týraly Qyrǵyz Respýblikasy Ulttyq qaýipsizdik memlekettik komiteti Shekara qyzmetiniń aqparat jáne kommýnikatsiialar departamenti málimdedi, dep habarlaidy QazAqparat HAA Kabar agenttigine silteme jasap.
«Aq Jol-avtojol» baqylaý-ótkizý beketine «Mersedes-Bents» markaly eki júk avtokóligi keldi. Kólik tizgininde Qyrǵyzstan Respýblikasynyń azamattary - 1991 jyly týǵan T.Ý. jáne 1992 jyly týǵan S.N. bolǵan.
«Júrgizýshiler shekara nariadyna kólikte un ónimderi (kitlap) bar ekendigi kórsetilgen ilespe qujattardy usyndy. Tekserý kezinde shekarashylar un jáshikteriniń artyna jasyrylǵan 11 tonna qantty tapty», - dep habarlady vedomstvodan.
Júrgizýshiler jalǵan qujat arqyly Qyrǵyzstannan Qazaqstanǵa qantty zańsyz eksporttamaq bolǵan. Qyrǵyzstan Respýblikasy Ulttyq qaýipsizdik memlekettik komitetiniń Shekara qyzmeti Qyrǵyz Respýblikasy Ministrler kabinetiniń sheshimimen elden túiirshiktelgen qant pen shiki qantty alty aiǵa deiin eksporttaýǵa (eksporttaýǵa) ýaqytsha tyiym salynǵanyn atap ótti.
Tiisti qujattar toltyrylǵan soń júrgizýshi men júk quzyrly organ qyzmetkerleriniń qaraýyna berildi.
Bir kún buryn Qyrǵyzstannan Qazaqstanǵa 6 tonna qant eksporttamaq bolǵany habarlanǵan bolatyn.
