55 tonna benzindi Qyrǵyzstan Respýblikasyna zańsyz alyp ótpek bolǵan. Bul týraly Memlekettik kirister komiteti habarlady.
2021 jylǵy 10 maýsymda «Aisha bibi» ótkizý pýnktinde Jambyl oblysy boiynsha MKD eksporttyq baqylaý basqarmasynyń laýazymdy tulǵalary, sondai-aq QR UQK ShQ áskeri qyzmetshileri Qyrǵyz Respýblikasyna benzindi zańsyz áketý faktisiniń jolyn kesti.
Jalpy sany 54,6 tonna «Kúrdeli suiyltqysh» taýary bar, Qyrǵyz nómirleri bar «DAF»» markaly avtokólik quraldary ustaldy, jóneltýshi-JShS Taraz qalasynda tirkelgen, alýshy Qyrǵyz Respýblikasynyń jeke kásipkeri bolyp tabylady.
Avtokólik quraldary ustalǵannan keiin material Jambyl oblysy boiynsha Ekonomikalyq tergeý departamentine jiberildi.
QR QM MKK ortalyq keden zerthanasyndaǵy fizikalyq-himiialyq zertteýler taýardyń taýarǵa ilespe qujattarda kórsetilgen taýarǵa sáikes kelmeitinin kórsetti.
Buzýshylar «suiyltqyshtyń» ornyna jalpy somasy 7 mln. teńgege AI-80 markaly benzindi shyǵarýǵa tyrysty.
«Qazirgi ýaqytta Jambyl oblysy boiynsha Ekonomikalyq tergeý departamenti QR Qylmystyq kodeksiniń 197 - babynyń 3-bóligi (munai jáne munai ónimderin tasymaldaý, satyp alý, satý, saqtaý, sondai-aq olardyń shyǵý zańdylyǵyn rastaityn qujattarsyz munai óńdeý) boiynsha qylmystyq quqyq buzýshylyq jasady», - dep habarlady MKK.
Qylmystyq qýdalaý organy QR Zańnamasy aiasynda sotqa deiingi tergeý júrgizýde.
