Bishkek qalasynyń meri Aziz Sýrakmatov qalalyq qyzmet jáne qurylymdyq bólimshelermen jiyn ótkizdi, dep habarlaidy Kabar agenttigi.
Mýnitsipalitettiń baspasóz qyzmetiniń habarlaýynsha, mer barlyq qurylymdyq jáne aimaqtyq bólimsheler kúsheitilgen rejimde jumys istep jatqanyn atap ótti.
«Qazirgi ýaqytta bolǵan jaǵdaiǵa bailanysty jergilikti biýdjet tapshylyǵy 1 mlrd 428 mln somdy qurady, al aldyn ala esepteý boiynsha jalpy shyǵyn 17 mln somnan asqan», - delingen habarlamada.
13 avtobýs, 16 patrýldik qyzmet kóligi qiratylyp, Ala-Too alańynda 65 sharshy metr mármár tas urlanǵan, 7 jedel járdem kóligi búlindi.
Sondai-aq, astanadaǵy epidemiialyq jaǵdai týraly vitse-mer Viktoriia Mozgacheva da esep berdi. Onyń aitýynsha, 12 qazanda Bishkek qalasynda 59 koronavirýs juqtyrý oqiǵasy tirkelip, jalpy indetke shaldyqqandar sany 18 493-ke jetken.
Eske salsaq, búgin Qyrǵyzstan prezidenti Sooronbai Jeenbekov Bishkek qalasynyń aýmaǵynda tótenshe jaǵdai rejimin qaitadan engizý týraly Jarlyqqa qol qoidy.
4 qazan kúni Qyrǵyzstanda Jogorký Keneshke depýtattardy sailaý ótti. Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynsha, 7% mejeni 4 partiia eńserdi.
Al, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, odan keiin Aq úige bettedi. Olardy tarqatý úshin militsiia kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boiynsha, aýrýhanaǵa zardap shekken 16 adam jetkizilgen. Keiingi málimet boiynsha, zardap shekken adamdar sany 911-ge jetti.
