Foto: 24.kg
Bishkekte buryn izdeýde júrgen uiymdasqan qylmystyq toptyń múshesi, qylmystyq ortada Doo Shyńǵys degen atpen tanymal Shyńǵys Jumaǵulov ustalyp, Qyrǵyzstan Ulttyq qaýipsizdik memlekettik komitetiniń ýaqytsha ustaý izoliatoryna qamaldy, - dep habarlaidy Tengrinews.kz tilshisi 24.kg portalyna silteme jasap.
Ulttyq qaýipsizdik memlekettik komiteti málimetinshe, Doo Shyńǵys qylmystyq top qurý, sondai-aq jeke kásipkerlikpen ainalysatyn tulǵalardan asa iri kólemde júieli túrde aqsha bopsalaý deregi boiynsha qolda bar aqparat aiasynda ustalǵan.
Buǵan deiin áleýmettik jelide arnaiy qyzmet ókilderi ("Alfa" arnaiy jasaǵy bolýy múmkin) "Gelendvagendi" toqtatýǵa árekettenip jatqan video jariialanǵan. Onda keibir aqparattar boiynsha Shyńǵys Jumaǵulov bolǵan, biraq júrgizýshi olarǵa baǵynbai ketip qalady.
Sondai-aq, Doo Shyńǵys týǵan Ichke-Sýý ata aýylynda qaýipsizdik kúshteri men qylmystyq avtoritet jaqtastary arasynda atys bolǵany habarlandy.
Keiin Ulttyq qaýipsizdik komiteti Doo Shyńǵystyń ustalǵany jáne atys bolǵany týraly aqparatty joqqa shyǵardy.
