Qyrǵyz militsiiasy aptappen kúresýdiń erekshe jolyn tapty, - dep habarlaidy Massaget.kz.
Bishkek qalalyq Ishki ister bas basqarmasynyń (IIBB) resmi paraqshalarynda video jariialandy. Onda mitingke shyqqandardy taratýǵa arnalǵan sýatqyshtar joldardy ǵana emes turǵyndardy da salqyndatýǵa qoldanylǵany túsirilgen. Kadrlarda tasjol men jasyl jelekke sý shashyp júrgen tehnikalar kórinedi.
IBB baspasóz qyzmeti málimetinshe, bul bastama qala turǵyndary men Bishkek qonaqtarynyń arasynda tek jaǵymdy emotsiia týdyrǵan.
"Sýatqysh tehnika, ásirese, balalarǵa erekshe unady. Jasandy jańbyrǵa qýanǵan balalar ainalada júgirip, asyr saldy", - dedi Bishkek qalalyq IIBB baspasóz qyzmetiniń jetekshisi Ulan Jumaqov.
Qyrǵyzstandaǵy aptapqa bailanysty sýatqyshtar qoldanylyp jatyr. Aýa temperatýrasy birneshe óńirde 42 gradýsqa jetken. Meteorologiialyq baqylaý tarihynda shildedegi eń ystyq kún 27-si boldy.
