Jambyl oblysynda Qyrǵyzstanmen shekarada kisini jaraqattaǵany úshin izdeýde júrgen azamat shekarany zańsyz kesip ótpek boldy, dep habarlaidy "Ult aqparat" Ulttyq qaýipsizdik komitetine silteme jasap.
2020 jylǵy 24 shildede Ulttyq qaýipsizdik komiteti shekara qyzmetiniń Jambyl oblysy boiynsha departamenti shekarashylary pilotsyz ushý apparatyn qoldanyp, erikti jasaqtyń kómegimen memlekettik shekarany buzǵan adamdy taýyp, ustady.
Mán-jaidy anyqtaý barysynda atalmysh Qyrǵyz Respýblikasynyń azamatyn kisi densaýlyǵyna qasaqana ziian keltirgeni úshin ishki ister organdary izdep jatqany belgili boldy.
Qazirgi kezde memlekettik shekarany zańsyz kesip ótý faktisi boiynsha tergeý amaldary júrip jatyr.
