Búgin Qyrǵyzstannyń Ortalyq sailaý komissiiasy biylǵy 11 sáýirde ótken Konstitýtsiia boiynsha referendýmnyń resmi qorytyndysyn shyǵardy.
Qyrǵyzstannyń «Kabar» agenttiginiń habarlaýynsha, referendýmǵa 1 mln 322 myń 124 azamat qatysty, 36,66%-dy qurady. Jańa Konstitýtsiiaǵa 79,3% «kelisti», 13,72% «qarsy» daýys berdi.
Jańa Konstitýtsiiany qabyldaý jónindegi referendým prezidenttik basqarý nysanyn bekitýdi kózdeidi.
Qyrǵyzstan prezidenti buǵan deiin 1 shildeden bastap Qyrǵyzstan jańa Konstitýtsiia men jańa zańdar boiynsha ómir súretinin habarlaǵan bolatyn. Sondai-aq zańdardyń eki ai ishinde qabyldanatynyn aitty. Qyrǵyzstan Konstitýtsiiasynyń jańa jobasynda prezidenttik ókilettikti kúsheitý kózdeledi.
Sarapshylar atap ótkendei, el Prezidenti birqatar mańyzdy zańdarǵa bastamashy bolady. Jobaǵa sáikes Prezidenttik qurylymdy anyqtaýǵa, sondai-aq Ministrler kabinetiniń quramyn taǵaiyndaýǵa quqyǵy bolady.
Óz kezeginde Ministrler kabineti prezident aldynda jaýapty bolady. Sondai-aq Qyrǵyzstan sarapshylarynyń aitýynsha, endi Memleket basshysy óz sheshimderi úshin jaýapty bolady. Budan bólek, endi jańa túzetýler boiynsha prezidenttiń jaýapkershiligi belgilenip qana qoimai, depýtattar sanyn azaitý jónindegi normalar engiziledi. Ózgerister eldiń sot biligine de qatysty bolady.
Aqpan aiynda S.Japarov «Qyrǵyz Respýblikasynyń Konstitýtsiiasy týraly» zań jobasyn ótkizý týraly Jarlyqqa qol qoidy. 2021 jylǵy 12 naýryzda Qyrǵyzstan Prezidenti Sadyr Japarov «Qyrǵyz Respýblikasynyń Konstitýtsiiasy týraly» zań jobasy boiynsha referendým (búkilhalyqtyq daýys berý) taǵaiyndaý týraly» zańǵa qol qoidy.
Aita ketý kerek, qoldanystaǵy Konstitýtsiiaǵa sáikes el azamattary prezidentin 6 jylǵa sailaidy.
Esterińizge sala keteiik, 11 sáýirde Qyrǵyzstanda saǵat 20:00-de jergilikti keńesterge sailaý jáne jańa Konstitýtsiia jobasy boiynsha referendým ótti.
