Almaty politsiiasy Qyrǵyzstanda adam óltirgeni úshin izdeýde júrgen kúdiktini ustady, dep habarlaidy "Ult aqparat".
Qyrǵyz Respýblikasynyń Ishki ister ministrligi kisi óltirdi degen kúdikke ilingen 32 jastaǵy azamatqa izdeý jariialaǵan.
Búgin, 13 mamyrda Almaty qalalyq Politsiia departamenti bastyǵynyń orynbasary Rýstam Ábdirahmanov kúdikti Almatyda ustalǵanyn habarlady.
«Kúdiktiniń Almaty qalasynyń aýmaǵynda jasyrynyp júrgeni týraly jedel aqparat kelip tústi. Jedel-izdestirý is-sharalary júrgizilip, nátijesinde kúdikti ustalyp, Almaty qalasy PD ýaqytsha ustaý izoliatoryna qamaldy», - dep jazdy ol Facebook-tegi paraqshasynda.
Sonymen qatar, ol kúdiktini ekstraditsiialaý máselesi halyqaralyq sharttarǵa sáikes sheshiletinin atap ótti.
