Qyrǵyzstannyń ulttyq qaýipsizdik jónindegi memlekettik komiteti (UQMK) burynǵy prezident Sooronbai Jeenbekovti tergep jatyr. Bul jóninde vedomstvonyń baspasóz qyzmeti habarlady. Aqparatqa qaraǵanda, Jeenbekov "Qumtór isi" boiynsha tergeýge shaqyrylǵan.
Eks-prezident ókiliniń aitýynsha, ol UQMK bas tergeý basqarmasynan 12 tamyzda tergeýge shaqyrtý alǵan. Oǵan premer-ministr bolyp turǵan kezdegi Qumtór kenishine bailanysty suraqtar qoiylǵan. Jeenbekov alǵash ret UQMK tergeýine tamyz aiynda barǵan.
Eks-prezidenttiń ókili Jeenbekovtiń premer-ministr nemese prezident bolyp turǵan tusta Qumtór kenishine bailanysty eshqandai sheshim nemese qujat qabyldamaǵanyn aitty.
Buǵan deiin "Qumtór" kenishindegi "jemqorlyq" faktilerine bailanysty qazirgi jáne burynǵy sheneýnikter ustalǵan. Arasynda burynǵy premer-ministrler Ómirbek Babanov, Jomart Otorbaev, depýtattar Asylbek Jeenbekov, Talantbek Ýzakbaev, Ishak Pirmatov bar.
Sooronbai Jeenbekov 2016 jyldyń sáýiri men 2017 jyldyń tamyzyna deiin premer-ministr qyzmetin atqarǵan.
