Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Saiasat

Qyrǵyzstan eks-prezidenti Atambaev tártipsizdikke qatysty is boiynsha aqtaldy

Ult portaly
Qyrǵyzstan eks-prezidenti Atambaev tártipsizdikke qatysty is boiynsha aqtaldy

Foto:24.kg

Sot Qyrǵyzstannyń eks-prezidenti Almazbek Atambaevty 2020 jylǵy qazandaǵy jappai tártipsizdikti uiymdastyrdy degen aiyp boiynsha aqtady, - dep habarlaidy Tengrinews.kz.

"Bishkektiń Pervomaiskii aýdandyq soty Almazbek Atambaevty 2020 jyldyń qazanynda Bishkektegi jappai tártipsizdikterdi uiymdastyrý isi boiynsha kinásiz dep tanyp, qylmys quramy bolmaýyna bailanysty aqtady", - dedi sýdia úkimdi oqyǵan kezde.

Sondai-aq sot eks-prezident Atambaevtyń keńesshisi Farid Niiazovty, eldiń ishki ister ministriniń burynǵy orynbasary Qursan Asanovty jáne Atambaevtyń kúzetshisi Qanat Saǵymbaevty aqtady.

Atambaevqa qatysty bultartpaý sharasy úiqamaqqa aýystyryldy, ol sheshim zańdy kúshine engennen keiin joiylady. Alaida Atambaev koloniiada qalady, óitkeni 2013 jyly qylmys avtoriteti Aziz Batýkaevty bostandyqqa zańsyz shyǵarý isi boiynsha úkim áli kúshinde.

Eske salaiyq, 2020 jyly Qyrǵyzstanda parlament sailaýy ótip, onyń nátijesi halyqtyń narazylyǵyn týdyrǵan bolatyn.

Mitingter tártipsizdikke ulasyp, saldarynan qazannyń 6-syna qaraǵan túni sol kezde Ulttyq qaýipsizdik memlekettik komitetiniń tergeý izoliatorynda bolǵan Atambaev bosatylǵan edi.

Tergeý materialdary boiynsha ol zańsyz bosap shyqqan.

Oqi otyryńyz