2019 jylǵy 7-8 tamyzda Shý oblysynyń Alamýdýn aýdanynyń Qoi-Tash aýylynda bolǵan oqiǵanyń mán-jaiyn anyqtaý úshin memlekettik komissiia quryldy, dep habarlaidy QazAqparat Kabar agenttigine silteme jasap.
Atalmysh sheshimge Qyrǵyz Respýblikasynyń premer-ministri Mýhammedqali Abylǵaziev qol qoiǵan. Bul jóninde Qyrǵyz Respýblikasy Úkimeti apparatyn aqparattyq qamtamasyz etý bólimi málim etti.
Joǵarǵy Keneshtiń «2019 jylǵy 7 jáne 8 tamyzda Qyrǵyz Respýblikasy Shý oblysy Alamýdýn aýdany Qoi-Tash aýylynda oryn alǵan jaǵdai týraly» qaýlysyn oryndaý úshin buiryqqa qol qoiyldy. Maqsat – 2019 jylǵy 7 jáne 8 tamyzda Qoi-Tash aýylynda oryn alǵan jaǵdaidy jan-jaqty jáne obektivti túrde zertteý.
Memlekettik komissiiaǵa bir aidyń ishinde Joǵarǵy Keńeshti aqparattandyrý maqsatynda máseleni zerttep, tujyrym jasap shyǵarýǵa tapsyrma berildi.
