Qyrǵyzstan prezidenti Sadyr Japarov 22 aqpanda áleýmettik jelilerdegi paraqshalarynda jazba jariialap, Ýkrainadaǵy jaǵdaiǵa qatysty pikir bildirdi, dep habarlaidy Azattyq.
Memleket basshysy Ýkraina tóńireginde bolyp jatqan oqiǵalarǵa alańdaitynyn, jaǵdaidyń qalai órbip jatqany týraly málimet alyp otyrǵanyn aitty.
Japarov "Qyrǵyzstan Minsk kelisimin saqtaý qajettigin únemi qoldap kelgenin" málimdedi. Ol bul kelisimdi BUU Qaýipsizdik keńesi maquldaǵan, janjaldy retteýge arnalǵan jalǵyz qujat dep sipattady.
"Ókinishke qarai, onyń oryndalmaýy qazirgi kúrdeli jaǵdaiǵa alyp keldi", - dedi Qyrǵyzstan basshysy.
Sadyr Japarov daýdy diplomatiianyń kómegimen beibit sheshý kerek dep esepteidi, qan tógilmegenin qalaidy.
"Bálkim, bul reseilik azamattar kóp turatyn Donbass aýmaǵyndaǵy beibit halyqtyń qorǵaý úshin jasalǵan májbúrli qadam bolar. Qandai da bir memlekettik moiyndaý árbir eldiń zaiyrly quqyǵy ekenin aitqym keledi", - dep málimdedi Sadyr Japarov.
22 aqpanǵa qaraǵan túni Resei prezidenti Vladimir Pýtin Ýkrainanyń shyǵysyndaǵy "DHR" (Donetsk Halyq Respýblikasy) men "LHR" (Lýgansk Halyq Respýblikasy) jikshil aimaqtaryn táýelsiz dep tanyp, olarǵa Resei áskerin kirgizý týraly sheshim qabyldady. BUU Bas hatshysy jáne Batys elderi Máskeýdiń bul áreketin synady.
