قىرعىزستان پرەزيدەنتٸ سادىر جاپاروۆ 22 اقپاندا ەلەۋمەتتٸك جەلٸلەردەگٸ پاراقشالارىندا جازبا جارييالاپ, ۋكرايناداعى جاعدايعا قاتىستى پٸكٸر بٸلدٸردٸ, دەپ حابارلايدى ازاتتىق.
مەملەكەت باسشىسى ۋكراينا تٶڭٸرەگٸندە بولىپ جاتقان وقيعالارعا الاڭدايتىنىن, جاعدايدىڭ قالاي ٶربٸپ جاتقانى تۋرالى مەلٸمەت الىپ وتىرعانىن ايتتى.
جاپاروۆ "قىرعىزستان مينسك كەلٸسٸمٸن ساقتاۋ قاجەتتٸگٸن ٷنەمٸ قولداپ كەلگەنٸن" مەلٸمدەدٸ. ول بۇل كەلٸسٸمدٸ بۇۇ قاۋٸپسٸزدٸك كەڭەسٸ ماقۇلداعان, جانجالدى رەتتەۋگە ارنالعان جالعىز قۇجات دەپ سيپاتتادى.
"ٶكٸنٸشكە قاراي, ونىڭ ورىندالماۋى قازٸرگٸ كٷردەلٸ جاعدايعا الىپ كەلدٸ", - دەدٸ قىرعىزستان باسشىسى.
سادىر جاپاروۆ داۋدى ديپلوماتييانىڭ كٶمەگٸمەن بەيبٸت شەشۋ كەرەك دەپ ەسەپتەيدٸ, قان تٶگٸلمەگەنٸن قالايدى.
"بەلكٸم, بۇل رەسەيلٸك ازاماتتار كٶپ تۇراتىن دونباسس اۋماعىنداعى بەيبٸت حالىقتىڭ قورعاۋ ٷشٸن جاسالعان مەجبٷرلٸ قادام بولار. قانداي دا بٸر مەملەكەتتٸك مويىنداۋ ەربٸر ەلدٸڭ زايىرلى قۇقىعى ەكەنٸن ايتقىم كەلەدٸ", - دەپ مەلٸمدەدٸ سادىر جاپاروۆ.
22 اقپانعا قاراعان تٷنٸ رەسەي پرەزيدەنتٸ ۆلاديمير پۋتين ۋكراينانىڭ شىعىسىنداعى "دحر" (دونەتسك حالىق رەسپۋبليكاسى) مەن "لحر" (لۋگانسك حالىق رەسپۋبليكاسى) جٸكشٸل ايماقتارىن تەۋەلسٸز دەپ تانىپ, ولارعا رەسەي ەسكەرٸن كٸرگٸزۋ تۋرالى شەشٸم قابىلدادى. بۇۇ باس حاتشىسى جەنە باتىس ەلدەرٸ مەسكەۋدٸڭ بۇل ەرەكەتٸن سىنادى.
