Foto: Kabar
Ministrler kabinetiniń tóraǵasy – Prezident Ákimshiliginiń basshysy Aqylbek Japarov otstavkaǵa ketti, dep habarlaidy Kazinform «Kabar» aqparat agenttigine silteme jasap.
Búgin ol ministrler kabineti apparatymen qoshtasty.
Ministrler Kabinetiniń Telegram arnasynda prezident ákimshiligi qyzmetkerleri ony qalai shyǵaryp salǵany týraly beine jariialandy.
Aqylbek Japarov Ministrler kabinetiniń basshysy qyzmetin 2021 jyldyń qazan aiynan beri atqardy.
Qyrǵyzstan men Tájikstan memlekettik shekarany belgileý jumystaryn aiaqtaǵany týraly jazǵan edik.
Taraptar kelisimge kelip, qyrǵyz-tájik memlekettik shekarasynyń qalǵan bólikterin belgileý jumystaryn tolyq aiaqtady. Úkimettik delegatsiialardyń jumys toptaryna qyrǵyz-tájik memlekettik shekarasyn delimitatsiialaýdyń qorytyndy qujattaryn rásimdeýge kóshý jóninde tapsyrma berildi.
