Osyǵan deiin Qyrǵyzstannyń joǵary oqý ornynda bilim alyp kelgen, biraq qazir Tájikstanda júrgen júzden astam stýdent Bishkekke kire almai otyr, dep habarlaidy Azattyq.
Stýdentter osyǵan deiin bilim ministrliginiń oqýdy tájik joǵary oqý oryndarynda jalǵastyrý jónindegi usynysyna kónbegen. Olar Qyrǵyzstanda bilim alǵylary keletinin aitqan. Biyl mamyr aiynda qyrǵyz-tájik shekarasyndaǵy qarýly qaqtyǵystan keiin Qyrǵyzstan shekarasyn birjaqty japqan.
Qyrǵyz biligi shekara máselesi tolyq sheshilmeiinshe, ótkizý beketteri ashylmaidy dep málimdegen.
Bishkektegi Slavian ýniversitetiniń stýdenti Mýhammadiýsýf Qyrǵyzstanǵa baryp oqýyn jalǵastyra almai otyr.
Oǵan Tájikstandaǵy ýniversitette bilimin jalǵastyrýdy usynǵan. Biraq ol qarsylyq bildirgen.
"Maǵan jaqynda ashylǵan áleýmettik ýniversitette bilim alýdy usyndy. Men stomatologiia fakýltetinde oqimyn. Munda maǵan múldem bólek mamandyq usynyp otyr. Eger meni Abýali Sino atyndaǵy meditsinalyq ýniversitetke qabyldasa, keliser edim" deidi Mýhammadiýsýf.
Onyń sózinshe, 62 tájik stýdenti atalǵan meditsinalyq ýniversitetke aýysyp úlgergen. Biraq bárine mundai múmkindik bermegen.
Tájik biligi Qyrǵyzstan biliginen shekarasyn ashýdy birneshe ret suraǵan. Biraq sheshimdi jaýap ala almaǵan.
