Qyrǵyzstan men Ózbekstan qalalary da elektr qýatynsyz qaldy, - dep habarlaidy Tengrinews.kz tilshisi.
AKIpress agenttigi málimetnishe, 25 qańtarda túske taman Bishkekte elektr qýaty úzilgen.
Áleýmettik jelilerde turǵyndar elektr jaryǵy joq ár túrli óńirlerdi jazyp jatyr.
Sondai-aq, Osh qalasynda da elektr qýaty úzilgen. Qyrǵyzstannyń birqatar óńirinde elektr jaryǵy óship jatqany týraly aqparat bar. Osylaisha, Shý óńiri – Jaiyl jáne Máskeý aýdandarynyń, Toqmok qalasynda, sondai-aq Ystyqkól oblysynyń bir bóliginiń turǵyndary elektr qýaty joqtyǵyn jazyp jatyr.
Gazeta.uz saitynyń málimetinshe, Tashkent pen Ózbekstannyń basqa qalalarynda seisenbide saǵat 11:00 shamasynda elektr jaryǵy sóngen. Ózbekstannyń energetika júiesinde iri apat bolǵany aityldy. Elorda turǵyndary sorǵylardyń toqtap qalýynan sý qysymynyń tómendegenin aityp otyr. Uialy bailanys áli jumys isteidi.
Sputnik Ózbekstan málimetinshe, elordanyń barlyq aýdanynda, Gúlistan, Qarshi, Samarqand, Buhara, Qoqan, Shyrshyq qalalarynda jappai elektr qýaty úzilgen. Basylym Tashkent metrosynyń da jumysy toqtatqanyn habarlady. Joldardaǵy qozǵalysty jol politsiiasynyń qyzmetkerleri retteidi - baǵdarsham jumys istemeidi.
