QR Aýyl sharýashylyǵy ministrliginiń Veterinarlyq baqylaý jáne qadaǵalaý komiteti Qyrǵyz Respýblikasyna elimizdiń birqatar oblystarynan qus jáne qus sharýashylyǵy ónimderin jetkizýge bailanysty buryn engizilgen ýaqytsha shekteýlerdi alyp tastaý boiynsha jumys júrgizdi.
Qyrǵyz Respýblikasynyń Veterinariialyq jáne fitosanitariialyq qaýipsizdik jónindegi memlekettik inspektsiiasy QR Aýl sharýashylyǵy ministrligi Veterinariialyq baqylaý jáne qadaǵalaý komitetiniń Qazaqstandaǵy joǵary patogendi qus tumaýyn oqshaýlaý boiynsha, sondai-aq joǵary patogendi qus tumaýy boiynsha epizootiialyq jaǵdaidy turaqtandyrý boiynsha qabyldanǵan sharalary týraly bergen aqparattarynyń negizinde 2021 jylǵy 14 maýsymdaǵy № 8 Qaýlysymen buryn engizilgen shekteýler joiyldy.
«Qaýly mátinine sáikes Qyrǵyzstan aýmaǵyna elimizdiń Aqmola, Almaty (Qarasai aýdany), Qaraǵandy, Qostanai, Pavlodar jáne Soltústik Qazaqstan oblystarynan qus jáne qus sharýashylyǵy ónimderin ákelýge qaitadan ruqsat etildi», - delingen QR Aýyl sharýashylyǵy ministrliginiń baspasóz qyzmeti taratqan aqparatta.
