Qyrǵyzstan COVID-19 virýsyna qarsy vaktsina saldyrtqan sheteldik týristerdi qabyldaýǵa daiyn. Bul týraly Kabar agenttiginde ótken baspasóz konferentsiiasy kezinde Qyrǵyzstannyń Ekonomika jáne qarjy ministrligi janyndaǵy Týrizm departamenti direktorynyń orynbasary Qyial Kenjematova málim etti, dep habarlaidy KABAR agenttigi.
Onyń aitýynsha, ótken jyly Qyrǵyzstan álemdegi koronavirýs infektsiiasy pandemiiasyna bailanysty týrizm salasynda úlken shyǵynǵa ushyraǵan.
«Búginde Qyrǵyzstan Respýblikasynda týristik maýsymnyń bastalýymen birge koronavirýs pandemiiasynan keiin elde týrizm sektoryn damytý algoritmi quryldy, onda qoldarynda COVID-19 virýsyna qarsy vaktsina saldyrtqan sheteldik týristerdiń Qyrǵyzstanǵa kele alatyny jazylǵan», - dedi ol.
Ol sondai-aq algoritm sheteldik týristerdiń sanitarlyq normalardy mindetti túrde saqtaýyn qarastyratynyn atap ótti.
«Qazirgi kezde algoritm Qyrǵyzstan Respýblikasy Syrtqy ister ministrliginiń qaraýynda», - dep qosyp ótti Q.Kenjematova.
Qazirgi kezde Qyrǵyzstannyń áýe qatynasy álemniń barlyq elderimen ashyq ekeni atap ótiledi. Alaida qurlyqtaǵy jolmen Qyrǵyzstanǵa 33 eldiń azamaty ǵana kire alady.
