Qyrǵyzstan eliniń meditsinalyq mekemelerine mitingter kezinde zardap shekken 911 adam júgingen. Bul týraly Qyrǵyzstannyń Kabar agenttigi habarlady.
Vedomstvo málimetterdiń 7 qazan kúngi saǵat 12:30-ǵa keltirilgenin atap ótti.
Kómekke júgingen 911 adamnyń ishinde zardap shekken 705 adam alǵashqy meditsinalyq kómek kórsetilgen soń ambýlatorlyq em qabyldaýǵa jiberildi. Túrli jaraqattar alyp zardap shekken 205 adam aýrýhanaǵa jatqyzyldy, sonyń ishinde beseýi jansaqtaý bóliminde jatyr. Ulttyq gospitalda 2001 jylǵy er adam qaitys boldy.
Osylaisha, Bishkektegi travmatologiia jáne ortopediia ǵylymi-zertteý ortalyǵyna barlyǵy zardap shekken 452 adam kelip túsken, sonyń ishinde 82 adam aýrýhanaǵa jatqyzyldy, bir adam jansaqtaý bóliminde jatyr.
Ulttyq gospitalǵa 269 adam kelip túsken, sonyń ishinde 85 adam aýrýhanaǵa jatqyzyldy. 4 patsient jansaqtaý bóliminde jatyr, bir adam qaitys boldy.
1 qalalyq klinikalyq emhanaǵa 58 adam kelip tústi, 48 adam ambýlatorlyq em alýǵa jiberildi. 10 adam aýrýhanaǵa jatqyzyldy.
Shý oblystyq aýrýhanasyna zardap shekken 112 adam kelip tústi. 100 adam ambýlatorlyq em qabyldaýǵa jiberildi. 12 adam aýrýhanaǵa jatqyzyldy.
Ulttyq hirýrgiia ortalyǵyna zardap shekken 20 adam jetkizilgen, sonyń ishinde tórteýi ambýlatorlyq em alýǵa jiberildi, 16 adam aýrýhanaǵa jatqyzyldy.
Barlyq patsientterge qajetti meditsinalyq kómek kórsetilip jatyr. Tiisti mamandardyń keńesi berilýde, zardap shekkender barlyq qajetti dári-dármektermen qamtamasyz etildi.
Aita keteiik, jeksenbi, 4 qazan kúni Qyrǵyzstanda Jogorký Keneshke depýtattarynyń sailaýy ótti. Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynshy, 7% mejeni 4 partiia eńserdi. Al, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, onyń sońy jappai tártipsizdikterge ulasty.
