Qyrǵyz Respýblikasynyń Prezidenti Sooronbai Jeenbekov Halyqaralyq túrki akademiiasynyń basshysy Darhan Qydyrálini qabyldady. Kezdesýge Túrki akademiiasynyń ókili, professor Qadyráli Qonqobaev qatysty. Bul týraly Qyrǵyz Prezidenttiniń saity habarlady.
Qyrǵyz basshysy Túrki akademiiasy túrkitildes halyqtardyń rýhani murasyn, shyǵarmashylyq jáne óner qundylyqtaryn zertteý, dáripteý baǵyttarynda úlken jumystar atqaryp jatqanyn atap aitty.
«Qyrǵyz halqynyń rýhani muralaryn zerttep ony túrkitildes halyqtar arasynda tanytý maqsatynda jasap jatqan eńbekterińiz rizashylyq týǵyzady. «Manas» epostyq jyry men áigili jazýshy Shyńǵys Aitmatovtyń úzdik ádebi týyndylaryn jariialaýdaǵy sizderdiń eńbekterińiz túrkitildes halyqtardyń rýhani jaqyndasýyna zor yqpalyn tigizedi», - dedi Sooronbai Jeenbekov.
Túrki akademiiasynyń prezidenti Parijdegi IýNESKO-nyń shtab-páterinde. Astana, Bishkek jáne Tashkent qalalarynda Shyńǵys Aitmatovtyń 90 jyldyǵyna orai eńbekter jaryq kórip, arnaiy konferentsiialar ashylǵanyn, «Manas» eposy, qyrǵyz ádebieti jáne onyń tarihyna bailanysty is-sharalar ótip jatqany týraly aitty.
«Túrki akademiiasy halyqaralyq uiym retinde Qyrǵyz elinde ótetin barlyq is-sharalarǵa atsalysyp, mindetti túrde qatysatyn bolady. Bizdiń maqsatymyz - túrki álemin barlyq salalarda, ásirese, ǵylymi baǵytta biriktirý», - dedi Darhan Qydyráli.
Sondai-aq, Darhan Qydyráli men Túrki akademiiasynyń ókili, professor Qadyráli Qonqobaev Qyrǵyz basshysyn epostyń birneshe nusqada arab qarpimen jazylǵan qoljazbalarymen tanystyrdy. Jáne Sooronbai Jeenbekovke Altaida 3000 metr biiktikte tabylyp, jańasha qalypqa keltirilgen qyl qyiaq aspabyn syiǵa tartty.
Qyrǵyz Prezidenti qonaqtarǵa zor alǵysyn bildirip qana qoimai, qoljazbany jasaýǵa jan-jaqty kómek kórsetetinin jáne qyl qyiaq aspaby Bishkek qalasynyń tarihi mýzeiine jetkiziletinin aitty.
