QR IIM Qylmystyq-atqarý júiesi komitetiniń tóraǵasy laýazymyna Darhan Qanatbekov taǵaiyndaldy, dep habarlaidy "Ult aqparat".
«QR Ishki ister ministriniń buiryǵymen IIM Qylmystyq-atqarý júiesi komitetiniń tóraǵasy laýazymyna ádilet polkovnigi Darhan Tursynuly Qanatbekov taǵaiyndaldy. QAJK-niń jańa tóraǵasyn jeke quramǵa QR Ishki ister ministri Erlan Turǵymbaev tanystyrdy», - dedi QR Ishki ister ministriniń keńesshisi - resmi ókil Nurdildá Oraz.
Onyń atap ótýinshe, Erlan Turǵymbaev komitet qyzmetkerlerine ishki ister organdaryn jáne qylmystyq-atqarý júiesin jańǵyrtý boiynsha negizgi is-sharalar týraly aityp, el Prezidentiniń IIM-niń aldyna qoiǵan jańa tapsyrmalaryna toqtaldy.
D.Qanatbekov qylmystyq artqarý júiesi organdarynda 2001 jyldyń qazan aiynan bastap qyzmet atqarady. Jumys tájiribesi, onyń ishinde basshylyq qyzmettegi is-tájiribesi mol. Ol qylmystyq-atqarý júiesi mekemelerinde bólim bastyǵy, bastyqtyń orynbasary, Qaraǵandy oblysy boiynsha qylmystyq-atqarý júiesi departamenti bastyǵynyń orynbasary, departament bastyǵy bolyp qyzmet etti. Qazaqstan Respýblikasy IIM Qylmystyq-atqarý júiesi komiteti tóraǵasynyń orynbasary laýazymyn atqardy.
Buǵan deiin IIM Qylmystyq-atqarý júiesi komiteti tóraǵasy laýazymyn atqarǵan Azamat Bazylbekov qyzmetinen bosatyldy.
