© kollaj: Eldar Qaba/aikyn.kzNumbeo derekteri boiynsha 2024 jyly álemdegi qylmys eń kóp jasalatyn elder reitinginde Qazaqstan 146-dan 75-shi orynda tur. Qazaqstannyń indeksi 45,9 (ortasha deńgei) dep eseptelip otyr dep habarlaidy "Ult Aqparat".
2024 jyly Qylmys turǵysynan eń qaýipti elder Venesýela, Papýa — Jańa Gvineia jáne Aýǵanstan, al eń qaýipsiz elder Andorra, BAÁ jáne Katar bolyp eseptelgen.
TMD elderiniń arasynda Qyrǵyzstan(41) men Belarýs(53) elderinde qylmys deńgeii bizdiń elge qaraǵanda joǵary dep eseptelipti. Sonymen qatar, qazir soǵys bolyp jatqan Ýkraina 68 orynǵa taban tirep, Qazaqstannan 6 satyǵa joǵary tur. Armeniia, Ózbekstan, Ázirbaijan, Resei jáne Moldovada jaǵdai bizge qaraǵanda jaqsyraq dep kórsetilipti.
Saýalnama negizinde jasalǵan reiting kelesi sanattardy qarastyrǵan:
Qylmys deńgeiin jalpy qabyldaý; kúndiz-túni serýendeý kezinde qaýipsizdik sezimi; naqty qylmystar — tonaý, tonaý, avtokólik urlaý, beitanys adamdardyń fizikalyq shabýyldary, qoǵamdyq oryndarda qýdalaý jáne kemsitýshilik týraly alańdaýshylyq; menshikke bailanysty qylmystardyń aýqymyn baǵalaý — tonaý, urlyq, vandalizm jáne basqalar; zorlyq-zombylyq qylmystaryn qabyldaý, sonyń ishinde shabýyldar, kisi óltirý, jynystyq qylmystar jáne t. b.
Reiting sarapshylary indeks 20 -ny kórsetse qylmys deńgeii óte tómen, 20 — dan 40 — qa deiin tómen, 40 — tan 60-qa deiin ortasha, 60-tan 80-ge deiin joǵary, al 80-nen joǵary qylmys deńgeii óte joǵary dep sanalady.
